A po zëvendësohet YouTube nga TikTok si platforma më e madhe për creators?

Cila është sfida që TikTok po sjellë ndaj YouTube?

Që prej fillimit të saj YouTube ka patur një popullaritet tepër të madh dhe ka qënë platforma kryesore dhe më e madhe për creators të cilët I publikojnë videot në ketë platformë. Por së fundmi TikTok po fiton popullaritet gjithashtu duke sfiduar YouTube në ketë fushë.

Që prej lançimit në vitin 2005, YouTube ka patur një popullaritet tepër të madh dhe ka qenë vendi kryesor për një numër të madh shikuesish dhe ndjekësish. Por së fundmi YouTube po ndryshon duke ndryshuar algoritmin e saj dhe gjithashtu duke suportuar më shumë kanalet e mëdha, duke lenë në hije kanalet e vogla ose personat të cilët duhan të jenë pjesë e botës së internetit.

Këtu hyn në skenë TikTok. Për të qenë i suksesshëm në YouTube do t’iu duhen kamera cilësore, aftësi editimi video dhe më shumë. Kurse për të qenë i famshëm në TikTok iu duhet vetëm një smartphone, disa lëvizje gazmore ose tërheqëse dhe bashkëbisedim me komunitetin. Kjo bëri që TikTok të fitojë shumë popullaritet.

Një arsye tjetër pse TikTok po sfidon YouTube është sepse TikTok është një kombinim i bukur i  dy prej platformave tepër popullore nga të rinjtë të cilat u mbyllën para disa vitesh, Vine dhe Musical.ly, ku mbyllja e këtyre platformave i la fansat “zemërthyer”.

Një fakt tjetër që TikTok po mundet të sfidojë YouTube është ndryshimi i audiencës. Fansat e shumë YouTubers janë rritur dhe nuk i ndjekin më ata, kurse audienca e re është zakonisht e drejtuar drejt trendeve dhe të rejave. Ky fakt gjithashtu shtuar popullaritetin e TikTok.

Por pavarësisht kësaj YouTube ka kohë në ketë fushë duke i dhënë atij më shumë përparësi në ketë fushë. Gjithsesi përshtatja që TikTok po bën me trendet po i jep platformës një avantazh tepër të madhe.

Mund të ndodhë në të ardhmen që të themi që YouTube i përket të shkuarës dhe e ardhmja është TikTok. Por TikTok ka akoma shumë sfida përpara se kjo gjë të ndodh.