YouTube shpjegon pse nuk do të ketë Rewind këtë vit

Që nga 2010 e tutje, YouTube gjithmonë ka festuar momentet më virale dhe krijuesit më të ndjekur të tij me një video speciale në fund të vitit të quajtur: YouTube Rewind. Gjithsesi ndoshta 2020 vërtetë solli diçka të mirë, pasi YouTube Rewind nuk do të bëhet këtë vit.

Në një postim në Twitter në 12 nëntor, YouTube zbuloi se 2020 do të ishte një vit pa Rewind, duke thënë se nuk mendon se është e përshtatshme për të festuar, marrë parasysh rrethanat ku gjendet bota tani.

“2020 ka qenë ndryshe,” shkruajti platforma. “Nuk na duket e drejtë të vazhdojmë sikur nuk ka ndodhur gjë. Ndaj do të bëjmë një pushim nga Rewind për këtë vit.”

“E dimë se një pjesë e gjërave të mira që kanë ndodhur në 2020 është krijuar prej jush. Gjithmonë keni gjetur mënyra për të motivuar njerëzit, duke i ndihmuar ata dhe duke i bërë për të qeshur. Ju falenderojmë për këtë.”

Sado që ka shumë gjasa që YouTube thjesht nuk ishte i sigurtë a do ishte ide e mirë të mblidhte sërish ca influencers për një projekt, të tjerë sugjerojn se mund të kishte ndjekur të njejtën logjikë si vitin e kaluar, duke mbledhur xhirime individuale nga secili.

Njoftimi i YouTube ka sjellë reagime kontradiktore me fansat, pasi ky supozohet të jetë pikërisht momenti kur duhen motivuar përdoruesit. Por duke marrë parasysh se bullizimi i YouTube Rewind është kthyer në traditë në këtë pikë, do të thonim që e kuptojmë vendimin e kompanisë.