PewDiePie më në fund kthehet në YouTube pas pushimit prej një muaji

Pas një pushimi muajsh, mbreti i YouTube, Felix ‘PewDiePie’ Kjellberg është rikthyer. Duke u kthyer nga ndërprerja e tij e fundit, suedezi bëri rikthimin e tij triumfues më 21 shkurt duke u rikthyer tek meme-t

“Unë jam rikthyer!”, YouTuber-i bërtiti në fillim të videos së tij të sotme. “Kam thyer rekordin tim të 10 vjetëve duke postuar çdo ditë, për të bërë një pushim prej një muaji për të bërë …”, ndaloi ai, ndërsa luhej tingulli i gjinkallave.

Ai pranoi që ai nuk kishte bërë shumë gjëra, por tha “Në të vërtetë ka qenë mirë!” Ai pastaj shkoi për të shfletuar dosjen e tij të memeve të humbura, dhe reagoi ndaj subreddit-in të tij që ishte pushtuar nga kaosi ndërsa ai po pushonte. “Unë gjithmonë kam pyetur veten se çfarë do të bënit ju njerëz. Çfarë do të ndodhë me subreddit-in. Tani e dimë. Plehra absolute, faleminderit!” – tha ai me shaka.

Suedezi atëherë dha sugjerime për planet e tij të ardhshme. “Teknikisht nuk do të më duhej të kthehesha. Unë mund të tërhiqesha po të doja. Ishte mirë që unë të bëja një pushim, të kaloja një proçes se çfarë po bëj dhe çfarë dua të bëj në të ardhmen. Dhe ka padyshim disa ndryshime që do të kenë të bëjnë me kanalin, por do t’i bëj gradualisht”, tha ai.

Ai më pas rrëfeu, “Unë kam qenë shumë i fiksuar në lidhje me YouTube, dhe e shtyja veten shumë për një kohë të gjatë. Ka gjëra të tjera që dua të bëj. Unë jam duke punuar edhe për projekte më të mëdha. Edhe pse më kanë munguar shumë!”

Pewds foli gjithashtu rreth asaj se sa i vlerëson shikuesit e tij. “Mendova se nuk do të arrij të bëja një pushim. Ndoshta jam shumë i varur. Rezulton se jam plotësisht mirë. Kjo më bëri që të vlerësoj që kam një audiencë. Unë thjesht e kam marrë si të mirëqenë,” tha ai. “Dhe unë kam parë vetëm pjesët negative të të pasurit një audiencë. Vetëm për shkak se ndjekja ime u bë aq e madhe, sa u lodha me të vërtetë duke u kërkuar vazhdimisht për gjëra.”

YouTuber-i përfundoi videon duke deklaruar se ai do të fillojë të postojë çdo ditë përsëri, dhe gjithashtu falënderoi fansat e tij. “Faleminderit për të gjitha komentet mbështetëse dhe të këndshme përderisa isha larguar, që vërtet më bënë të lumtur“, tha ai. “Ka qenë vërtet e shëndetshme dhe e mirë për mua që të bëj këtë pushim. Vlerësoj durimin e të gjithëve.”

Duket se pushimi ishte shumë i nevojshëm për PewDiePie, pasi ai bëri shaka se sa i “lodhur” dhe “i irrituar” dukej përpara se të bënte ndërprerjen e tij. Duke pasur parasysh që ai vazhdimisht krijonte video të përditshme për 10 vjet, sigurisht që ishte i merituar.

Pavarësisht se ka qenë larg për më shumë se 30 ditë, YouTuber-i nuk tregoi shenja dobësimi në vitin 2020. Duke pasur parasysh që viti i kaluar ishte më i madhi i tij, fansat pa dyshim janë të ngazëllyer për të parë fazën tjetër të kanalit të tij.