“Harrojeni gjininë tuaj.”
“Harrojeni gjininë tuaj.”
Xiaomeng “VKLiooon” Li shkruajti histori të shtunën në mbrëmje, kur u bë femra e parë që fitoi turnamentin e esports Hearthstone Grandmasters Global Finals dhe një turnament të BlizzCon. Një moment realisht i paharrueshëm në historinë e esports.
Pas një fitoreje 3-0 me kundërshtarin e saj në finalen e Hearthstone Global Finals, Li, që i mbylli gjërat në rezultatin 4-0 në turnamentin e fundjavës, foli me të gjithë ata, që kanë si synim të ndjekin hapat e saj.
“Dua t’i them të gjithë vajzave që janë aty, që nëse keni një ëndërr për esports: Nëse doni ta bëni dhe besoni në veten tuaj, harrojeni gjininë dhe thjesht jepni maksimumin. Për aq kohë sa mund të luani mirë, gjinia nuk do të ketë aspak rëndësi.”
"This is the best way to strike back at those people who doubted me only because I am a girl. It proves that girls can be strong pro players, just as guys do.” - Xiaomeng “VKLiooon” Li pic.twitter.com/1PQczUHwim
— Hearthstone Esports (@HSesports) November 2, 2019
Toksiciteti dhe ngacmimet shpesh largojnë shumë femra nga të ndjekurit të një karriere në ligën profesionale. Vetë Li është përballur me versionet e saj të këtyre diskriminimeve gjatë rrugës.
Li tha se rreth dy vite më parë, kur po priste në rradhë për tu regjistruar në një turnament, një burrë i tha që ky nuk ishte një vend për vajza. Tani që ajo po qëndron përpara mijëra fansave, gjërat janë shumë më ndryshe.
“Mendoj se për aq kohë sa njerëzit tregohen më të sjellshëm me femrat në esports dhe të tregojnë më shumë respekt dhe më shumë tolerancë, do të ketë më shumë femra që afrohen të konkurojnë në të. Do të ketë më shumë femra që do të kenë të njejtat arritje siç kanë edhe meshkujt.”
E lindur në një qytet të vogël të rajonit të Xinjiang në Kinë, Li filloi të luante Hearthstone në kolegj, teksa po studionte në Southwest University of Political Science and Law. Në konferencën që mbajti pas fitores, Li tha se nuk i pëlqente të studionte ligjin dhe i dha vetes një vit pushim për të parë nëse të luajturit e Hearthstone në mënyrë profesionale do të funksiononte… Dukshëm, ka funksionuar.
Li praktikohet rreth pesë orë në ditë dhe shikon turnamente pro për të studiuar strategjitë gjatë pjesës së mbetur të ditës, me të dashurin e saj, Syf, një lojtar pro i Hearthstone për Team Invictus Gaming.
Në fund Li u shpreh se: “Do të vazhdoj të marr pjesë në të gjitha llojet e turnamenteve përgjatë botës dhe shpresoj të kem mundësi që të eksploroj edhe me mundësi të tjera karriere, si komentimi. Ky është plani momentalisht.”