Modern Warfare mbledh mbi 450,000 shikues në Twitch, pak orë pas lançimit të Warzone

Wow.

Lojtarët e Call of Duty janë padyshim shumë të kënaqur që mund të luajnë Warzone, battle royale-in e ri të Modern Warfare, por duket se fansat janë po aq të emocionuar edhe për ta parë.

Modern Warfare është momentalisht me 452,000 shikues në Twitch pas lançimit të Warzone. Disa nga yjet më të mëdhenj të platformës, përfshirë TimTheTatman, Dr Disrespect dhe LIRIK janë duke shijuar sukses masiv duke transmetuar Warzone.

TimTheTatman, me ndihmën e CouRageJD ishte në gjendje që të merrte një fitore spektakolare gjatë lojës së tij të parë në Warzone. Streamer-i i famshëm është momentalisht duke shijuar 61,000 shikues, me DrDisrespect që i afrohet në vend të dytë me 43,000.

Suksesi i menjëhershëm i lojës në platformën streaming të Amazon është i ngjashëm me atë të WoW në gusht të 2019s, që mund të kalonte një milionë shikues në Twitch pas lançimit. Streamers si Asmongold, shroud dhe Sodapoppin panë ngritje të madhe në shikueshmërinë e tyre pasi doli loja.

Është ende herët për të thënë nëse battle royale-i do ta ruajë këtë nivel suksesi, por mund të themi me siguri se fillimin e ka goxha të mbarë.

Warzone duket se po jep diçka të re në zhanrin e battle royale, duke inkorporuar mekanika dhe elementë unikë. Gulag përshembull i lejon lojtarët të ndeshen në 1v1, që të kenë mundësi të rikthehen në lojë pasi eleminohen.

Warzone është momentalisht live në PS4, Xbox dhe PC për njerëzit që e kanë blerë Modern Warfare dhe në orën 8PM do të jetë e disponueshme për pjesën tjetër që nuk e kanë. Klikoni linkun për të lexuar se si mund ta shkarkoni atë.