Among Us është ende një nga videolojërat më popullore në YouTube. Kjo sipas yllit të platformës, Rachel ‘Valkyrae’ Hofstetter.
Asnjë lojë nuk ka parë ndonjë rritje aq meteorike sa Among Us në 2020. Ajo u bë një fenomen për muaj të tërë, duke katapultuar shumë streamers, si vetë Valkyrae, drejt famës.
Pavarësisht faktit se shumë të famshëm në internet u larguan nga loja në 2021, ajo prapë mbetet masive.
It was a great year, thanks for hangin https://t.co/GXmYhenzMn
— rae (@Valkyrae) January 12, 2021
“Çuditërisht njerëzit akoma po kënaqen me të,” tha Valkyrae në një episod të The CouRage & Nadeshot Show në datë 3 shkurt. “Ende ka shikueshmëri në YouTube, padyshim që kam më shumë shikues kur luaj Among Us. Ato video funksionojnë shumë mirë.”
Përsa i përket konsumimit të lojës dhe se si përflitet që të tjerët janë lodhur me të, personaliteti i 100 Thieves shpjegoi se për të nuk është një situatë e tillë:
“Personalisht nuk jam e lodhur,” theksoi ajo. “Thjesht do të doja që ta shtonin content-in pak më shpejt.”
“Ata do të sjellin një hartë të re… që po vonohet shumë. Në fakt jam e çuditur. Më duket sikur po humbasin këtë valë popullariteti duke u vonuar kaq shumë.”