Twitch edhe njëherë ka thyer rekordet e veta të shikueshmërisë. Sipas të dhënave nga Rainmaker.gg, partneri i analizave së StreamElements, muaji prill shënoi herën e tretë që platforma ka vendosur një rekord për orë të shikuara vetëm në vitin 2021 me më shumë se 2.1 miliardë orë të shikuara.
Ndërkohë, Facebook Gaming ka shënuar rreth 360,000 milion orë të shikuara gjatë tre muajve të fundit pasi kishin vendosur rekordin e tyre për të filluar vitin.
Për Twitch, shumica e shikueshmërisë vjen nga rritja e qëndrueshme e kategorisë ‘Just Chatting’, e cila tërhoqi për 283 milion orë të shikuara. E vetmja kategori tjetër që iu afrua ishte Grand Theft Auto V, e cila vazhdon të zgjerojë audiencën e saj pavarësisht se u lançua në 2013. GTA V shënon 236 milion orë të shikuara në Prill, një rritje prej 30 përqind nga muaji i kaluar. Ai kaloi League of Legends për t’u bërë kategoria e dytë më e shikuar në Twitch.
League, Call of Duty: Warzone dhe Dota 2 ishin lojërat e tjera të cilt shënuan një formë rritjeje. Të tjerët si Fortnite, CS: GO dhe Apex Legends pësuan një rënie të lehtë por mbeten sërish në renditjen e 10 të parëve. Edhe një herë, xQc mbetet mbreti i padiskutueshëm i Twitch me rreth 30 milion orë të shikuara gjatë prillit. Kjo dp të thotë më shumë se dyfishi për çdo transmetues tjetër në platformë. Renditja vazhdon me Ludwig, Gaules, Summit1g, RanbooLive dhe NICKMERCS.
Sa i përket rritjes, juansguarnizo bëri debutimin e tij në 10 kanalet më të shikuara në prill falë audiencës së tij në rritje dhe mbështetjes së vazhdueshme nga komuniteti i roleplaying GTA V. Një fushë tjetër e madhe që shënoi rritje të shikueshmërisë në Twitch ishte kategoria Sportive, e cila për herë të parë në prill kaloi 10 milion orë të shikuara. Programi Sportiv i Akseleratorit i platformës dhe përmbajtja e ardhshme me temë të Lojërave Olimpike duhet të vazhdojnë të ndihmojnë në rritje të shikueshmërisë..