Twitch sulmohet pasi prezantoi ads që ndërprejnë stream-et

Twitch është duke u përballur me një furi të madhe nga content creators dhe shikuesit normalë të tij, pasi prezantoi ads-a në mes të streamit që nuk mund të kontrollohen.

Reklamimet me vidoe në Twitch më parë ishin të limituara në pre-rolls dhe ads të aktivizuara manualisht nga streamerat. Gjithsesi, e gjitha kjo ka ndryshuar falë update-it të fundit. Në të ashtëquajturin “eksperiment” të 14 shtatorit, platforma e Amazon testoi të tregonte ads në çfarëdolloj pike gjatë transmetimit.

Kjo do të thotë që këto reklama mund të dilnin në momente të papërshtatshme dhe të miratuara aspak nga streameri. Shikuesit mund të humbnin gafat ose bëmat e stream-eve, vetëm nga ky ndryshim. Nuk u desh shumë aq që content creators të dilnin kundër kësaj.

“Mendoj vërtetë se kjo do e largojë audiencën tonë prej kanaleve,” bëri reply Chilled Chaos. “Ndryshim i keq. Mos e bëni këtë gjë.”

“Nga mund ta di nëse kjo gjë po ndodh me kanalin tim dhe a mund të mos llogaritem nëse është kështu,” pasoi TimTheTatman, i mbështetur nga NICKMERCS dhe shumë të tjerë.

Twitch reagoi shpejt dhe shpjegoi se ky ndryshim ishte thjesht një eksperiment për momentin. Gjithsesi, duke marrë parasysh reagimin e menjëhertë negativ që erdhi prej komunitetit të tij, ndoshta nuk do e vërë në zbatim si veçori.