E gjithë bota u përmbys për Nathan kur ai zbuloi se ndjekësite tij në Twitch ishin zhdukur brenda natës. Përpara kësaj, streameri i Minecraft kishte mbi 21000 ndjekës dhe krejt papritur, dy vite punë të jetës së tij, shkuan dëm.
16-vjeçari nuk e bëri të ditur se çfarë e shkaktoi këtë gjë, por komuniteti u duk se ishte aty për ta mbështetur. Nathan thotë se ka punuar dy vite për të arritur aty ku ishte përpara se të humbte ndjekësit e tij. Fakti që të gjithë u zhduken brenda natës gjithashtu ka lënë impakt të keq në shëndetin e tij mendor.
“Humba çdo gjë. Kanali im në Twitch humbi të gjithë ndjekësit e tij. Çdo person që më ka ndjekur mua 26 muajt e fundit është zhdukur. Nuk kam fjalë,” shkruajti ai në Twitter.
Jo vetëm komuniteti i Minecraft por shumë nga përdoruesit e Twitch e ndihmuan të kthente kanalin e tij aty ku ishte. Nathan rifitoi 16,000 ndjekës. Suporti që ai mori ishte diçka e paparashikueshme. Të fitosh 10,000 ndjekës në 2 orë është diçka e padëgjuar më parë. Nuk ka një shpjegim të qartë se pse Nathan i ndodhi ky problem, por Twitch me shumë gjasa do e shohë situatën më nga afër.