Twitch ndryshon rregullat e ban-it për streamerat që flasin me Dr Disrespect

Twitch ka ndërruar rregullat e tij të streaming përsa i përket të komunikuarit me njerëz që janë bërë ban nga platforma, si përshembull Dr Disrespect.

Një ban në Twitch është një problem për këdo që e bazon karrierën e tij në atë platformë. Mbi të gjitha nëse të tjerët ndjejnë nevojën të të shmangin nga frika se mos bëhen ban vetë. Tani, duket se rregullat janë liruar pak.

Më parë ato thonin se: “Çdo tentativë për të anashkaluar ban-in e një account-i ose chat ban duke përdorur adresa, identitete, personalitete ose prezenca të tjera të një personi, gjithashtu do të rezultojë në pezullimin tuaj.”

Kjo praktikisht nënkuptonte se streamerat nuk luanin dot me njerëz të tjerë që ishin bërë ban në platformë, përndryshe bëheshin ban edhe vetë. Emra si Nadeshot dhe Crimsix, ishin të rrezikuar një herë nga kjo kur folën me Doc gjatë një turnamenti të Warzone në shtator.

Këto shqetësime bënë që H3CZ t’i bënte thirrje Twitch për frikën që streamerat kanë për të ndërvepruar me Dr Disrespect.

Duket se platforma dëgjoi në 22 shtator, kur rimodifikoi rregullat e saj, duke u treguar më e qartë se si ban-i i Doc mund të ndikojë streamerat e tjerë.

“Përtej kësaj, është e ndaluar të përdorni kanalin tuaj për të treguar qëllimisht një përdorues që është pezulluar,” thonë rregullat e reja.

“E kuptojmë se mund të ketë momente kur përdoruesit e pezulluar mund të shfaqen në stream për shkak të rrethanave përtej kontrollit tuaj, por presim që ju t’i shmangni këto dhe të tentoni t’i hiqni nga transmetimi juaj, ose të limitoni ndërveprimin e tyre me streamin tuaj.”

Sado që ky është një lajm i mirë që duket të garantojë se Nadeshot dhe Crimsix nuk do të pezullohen, ai gjithashtu duket të tregojë se ata nuk do të mund të luajnë ndonjëherë me Dr Disrespect.

Twitch i bëri ban Doc në 26qershor dhe ende nuk e ka shpjeguar arsyen pse. Që nga ajo pikë ai ka kaluar në YouTube, ku tashmë transmeton me kohë të plotë.