Në qershor, Twitch filloi të investigonte dhe të bënte ban streamers që ishin akuzuar për shkelje dhe abuzim seksual brenda dhe jashtë platformës. Një përpjekie inkurajuese nga kompania, që shpesh has vështirësi në moderimin e përdoruesve të saj. Sipas një raportimi të ri, këto vështirësi i kanë rrënjët brenda kompanisë, ku një histori e gjatë seksizmi, rracizmi dhe sjellieje e papërshtatshme është dokumentuar.
Raportimi, që përfshin intervista me 16 punonjës nga çdo epokë e Twitch, thellohet në historinë e kompanisë, përfshirë periudhën para 2014s, kur njihej si Justin.tv. Një punonjës shprehet: “Ishte një klub djemsh dhe femrat nuk kishin të njejtat mundësi. Ato ishin pre.”
Shumë punonjës të Amazon i referohen ndryshimit të bërë në 2014n si një pikë kthese, ku gjërat u bënë më profesionale, mbi të gjitha në trajtimin e brendshëm të streamer-eve femra. Raportohet se shumë meshkuj i quanin ato “boob streamers” dhe talleshin se si ato flinin me njerëz të tjerë për ndere ose për të çarë para.
Një punonjës citoi shembullin e Kaceytron, një streamere me 532,000 ndjekës, dekolteja e të cilës si duket shqetësonte disa nga meshkujt e kompanisë aq shumë, sa ata po kërkonin mënyra për ta hequr nga platforma.
“Ishte një nga ato momentet e rralla ku disa nga këta djem thjesht u treguan të sinqertë. ‘Kjo femër është një problem sepse është duke treguar shumë dekoltenë,'” tha një punonjës. “Duhet të gjejmë një mënyrë që nuk ndryshon rregullat tona, por që na lejon ta heqim atë nga ky website.”
Twitch vendosi rregulla të reja për kontentin seksual në fillimin e 2018s, duke i kufizuar paksa gjërat. Kjo mendohej të sillte fleksibilitet, por Twitch prapë ka bërë disa gjykime mjaft konservative për mënyrën se si vishen femrat.
Në shtator të 2019s streamer-ja Fareeha mori paralajmërim se kishte veshur rroba sportive, ndërkohë që streamer-ja Quqco u pezullua sepse bëri cosplay si Chun-Li nga Street Fighter.