Ky kanal në Twitch është si ASMR për ‘nerds’-at e PC-ve

Thjesht qetësohuni, relaksohuni dhe shikoni se si dikush ndërton një gaming PC

Të gjithë na pëlqen ndërtimi i PC-ve për më shumë se produkti final. Të paktën e di se kjo është arsyeja pse çunave të GameON i pëlqen. Ndërtimi i PC-ve është i kënaqshëm, mekanik dhe një hobi për vete. Nëse mendoni të njëjtën gjë, atëherë mbase do të kënaqeni me këtë kanal Twitch: një kompani që ndërton PC që thjesht… ndërton PC.

Artesian Builds është një ndërtues i personalizuar i sistemit që shkon me emrin e kanalit artesianbuilds në Twitch. Janë vetëm disa njerëz që u përgjigjen pyetjeve ndërsa ndërtojnë një PC.

Në ekran do të shihni pjesët që përdoren për ndërtimin e veçantë të asaj dite, kështu që mund ta përdorni si një mënyrë për t’ju frymëzuar për ndërtimin e PC-ve. Është gjithashtu një vend i shkëlqyeshëm për të marrë shënime se si të vendosni të gjitha pjesët me njëra-tjetrën në një PC. Mbi të gjitha, të shikosh dikë që të tregon hapat njëra pas tjetrës të bën të kuptosh se sa e lehtë mund të jetë të ndërtosh një për veten tënde.