Twitch kërkon ndjesë pasi bëri ban streamer-in për username “ofendues”

Një streamer i Twitch u bë ban pa patur ndonjë njoftim të mëtejshëm, me Twitch që e citoi emrin e tij si “të papërshtatshëm”. Tani kompania i ka hequr ban-in dhe ka kërkuar ndjesë për masat e marra.

Streamer-i ‘pavlle_’, një streamer i vogël me vetëm 59 ndjekës, u bë viral në Reddit pasi platforma (Twitch) i bëri ban përgjithmonë për një username që mendohej të ishte i papërshtatshëm.

Username-i në fjalë ishte “Pajja_”, që në spanjisht ka domethënie ofenduese. Gjithsesi streamer-i në fjalë është nga Serbia jo nga Spanja, ndaj kur u bë ban për këtë shkak ishte totalisht i hutuar.

Në datë 8 tetor ai postoi notification-in që i kishte dërguar kompania në Twitter, i cili thoshte se arsyeja për këtë ban ishte username-i i papërshtatshëm dhe konfirmoi se kohëzgjatja e pezullimit ishte e papërcaktuar.

Për afërsisht një muaj Pavlle nuk mori asnjë reagim ose përgjigje nga Twitch. Fatmirësisht historia e tij u bë virale dhe mori mbi 14,000 upvotes në subreddit-in r/LivestreamFail, në datë 6 nëntor. Pak orë pasi postimi mori vrull, Twitch i dërgoi një email Pavlle, duke konfirmuar se pezullimi i tij ishte hequr dhe se ishte e gjitha një gabim nga ana e tyre.

Lind pyetja, nëse kjo histori nuk do të ishte postuar në Reddit a do e kishte vënë re Twitch gabimin? Të paktën është mirë të dish që gjërat u zgjidhën në fund të ditës.