Twitch ka vendosur të heq PogChamp emote?!

Një ndër emote më të përdorur në Twitch sapo është hequr

Twitch është një nga platformat më të përdorura ku mund të bëni stream ose ku mund të ndiqni streamer tuaj të preferuar. Por kohët e fundit Twitch ka bërë shumë ndryshime në platformë të cilat nuk janë pëlqyer shumë dhe ndryshimi më i fundit ka qënë heqja e PogChamp, një ndër emote më popullor.

Lind pyetja se pse ka ndodhur kjo gjë. Nëpërmjet një postimi në Twitter, Twitch ka zbuluar se heqja e emote ka ndodhur për shkak të “një nxitje për dhunë” nga personi i cili ndodhet në emote.

Për të gjithë ju që nuk e dini, personi në këtë emote është Ryan “Gootecks” Gutierrez i cili ditën e djeshme në Twitter “pyeti se nëse njerëzit do të qëndronin të qetë” pas vrasjes së një gruaje gjatë protestave në Capitol.

Twitch gjithashtu është shprehur se do të dëshironte që emote i PogChamp të vazhdonte të ishte akoma pjesë e platformës së saj por ata nuk mund ta toleronin këtë gjë. Gjithashtu Twitch është shprehur se do të përpiqet të krijoj një emote të ri në bashkëpunim me komunitetin që do të zëvendësojë emote e PogChamp.

Shumë media të tjera sociale janë mundur të bllokojnë të gjitha mesazhet të cilat nxisin dhunë ose shpërndajnë informacione të rrezikshme. Edhe Twitch është një burim i madh informacioni por ishte vërtet e nevojshme heqja e njërit prej emote më të famshëm në Twitch dhe jo vetëm?