Teksa bota përpiqet të frenojë përhapjen e pandemisë së COVID_19, Twitch po përpiqet të ndihmojë në mënyrën e tij, me një transmetim 12-orësh për bamirësi këtë fundjavë me personalitete të famshëm.
Të shtunën e 28 marsit, duke filluar në orën 11am CT, Twitch do të bëjë stream për kanalin e tij zyrtar bashkë me disa personalitete të njohura nga fusha e gaming, muzikës dhe sporteve. Në të njejtën kohë në kanalin Twitch Rivals, platforma do të mbajë disa turnamente për Fortnite dhe për UNO.
Twitch Stream Aid goes live March 28 at 9am PT.
— Twitch (@Twitch) March 26, 2020
Stars from the worlds of music, gaming, and sports are coming together to benefit the COVID-19 Solidarity Response Fund for WHO.
See the full lineup and learn more: https://t.co/dBUjviw9gL pic.twitter.com/3E1zViJQSi
Ky stream bamirësie po mbahet për të mbledhur të donacione për Fondacionin Covid-19 Solidarity Response për OBSH.
Transmetimi i bërë në kanalin kryesor do të dedikohet kryesisht për performancat mzikore. Sado që orari nuk e thotë fiks se kur do të ndodhin performancat emra si Steve Aoki, Sam Harris, Ryan Tedder (OneRepublic), Jeremiah Fraites (The Lumineers), Luke Steele (Empire of the Sun), Dan Smith (Bastille) dhe Jordin Sparks do të marrin pjesë.
Nga bota e sporteve do të ketë disa atletë të njohur që variojnë nga gjimnastja fituese e medaljes së artë në Lojërat Olimpike, Aly Raisman e deri në profesionistin australian të golfit Greg Norman.
Twitch nuk është platforma e parë që po mban një event për të ndihmuar me situatën e COVID-19. Javën e shkuar, Facebook Gaming mbajti një event për të mbështetur Fondacionin e OKB.
Dallimi me eventin e Twitch është se ky do të transmetohet nga vetë Twitch dhe do të ketë personalitete të njohura në të.