Për herë të parë Twitch ka kaluar 3 miliardë orë shikimi

Situata e COVID-19 i ka dalë për mirë platformës.

Në një botë ku mund të largohemi nga shtëpia vetëm për të bërë pazaret e nevojshme, transmetimet live janë duke na mbushur orët që nuk po dimë si ti shpenzojmë. Sipas një raportimi të ri më shumë njerëz se kurrë janë duke u futur për të parë njerëz të tjerë teksa bëjnë Stream në platforma si Twitch, YouTube dhe Facebook.

Në tremujorin e fundit, i cili ka qenë kryesisht i dominuar nga karantina e COVID-19 në të gjithë botën, Twitch ka arritur maksimumin e orëve të para ndonjëherë me tre miliardë orë të para në total. Edhe platforma të tjera të streaming kanë parë rritje, por kjo e Twitch është realisht e pabesueshme.

Twitch është dukshëm ai që ka përfituar më shumë nga kjo situatë. Platforma ka parë një rritje me 17% në orët e para për këtë tremujor. Totali i orëve të bëra stream qëndron në 121 milionë.

Lufta e streaming supozohej ta kërcënonte Twitch, por me më shumë njerëz që janë duke qëndruar në shtëpi, duket se kjo situatë i ka dalë për mirë, duke përforcuar edhe më shumë prezencën e tij në treg.