Leart Bucaliu është një 16 vjeçar që jeton në Kosovë dhe i frymëzuar nga YouTubers të ndryshëm që ndiqte ai së bashku me shokun e tij, Gjinin nisën kanalin e tyre të YouTube, TRP Matrix.
Në fillim djemtë e kishin më shumë si hobi dhe çdo lloj kontenti që krijonin, e bënin me telefonin e tyre por duke krijuar më shumë kontent dhe duke u rritur në YouTube, ata filluan të investonin në pajisje më profesionale ku Learti merrej me pjesën para kamerës dhe Gjini ishte video editor.
Momentalisht kanali i TRP Matrix ka 54.5K subscribers me video që marrin dhjetëra-mijëra views dhe kanalet e tij kanë mbledhur mbi 1 milion shikime
Kanali kryesisht është i fokusuar në lifestyle vlogs dhe challenges e cila duket se është një formulë që po funksionon mirë për djemtë dhe algoritmin e YouTube momentalisht. Learti bën vazhdimisht vlogs të udhëtimeve të tij brenda dhe jashtë Kosovës, situatave me miqtë e tij dhe më shumë. Në fillimet e tyre ata ishin më shumë të fokusuar në hedhjen e sa më shumë videove, “ndonjëherë dhe 2 video në ditë” – tha Learti; por tani duket se janë të fokusuar më shumë në kualitet se sa në sasi. Quality > Quantity
Ne jemi të kënaqur që kemi në komunitetin tonë të rinj të talentuar si Learti dhe Gjini, pasi si GameON jemi gjithnjë në kërkim të suportit ndaj talenteve të reja si content creators, casters, streamers, etj. Nuk kemi gjë tjetër veçse t’i urojmë shumë sukses djemve dhe prisni për të reja së shpejti mes TRP Matrix dhe GameON! 😉