Abel Tesfaye, i njohur si The Weeknd, është një nga emrat më të mëdhenj në muzikë, por ylli kanadez është gjithashtu i apasionuar pas lojërave dhe një lojtar i zjarrtë. The Weeknd është duke shijuar suksesin e performancës të Super Bowl 2021 me një PC të ri që kushton plot 8000 dollarë. PC ishte dhuratë nga Paradox Dogan, i cili shpërndau një video në twitter me mbishkrimin: “Është një nder të ndërtoj këtë PC për të”.
Ky PC përmban disa nga elementët më të mirë që paratë mund të blejnë dhe që shumica e lojtarëve vetëm mund ta ëndërrojnë.
Njihuni me komponentet dhe çmimet e tyre :
- Procesori AMD Ryzen 9 5900X 12-Core – 700 dollarë
- Asus X570-E Motherboard – 430 dollarë
- EVGA RTX 3090 FTW3 Ultra Gaming 24 GB – 3,000 dollarë
- Corsair Dominator Platinum RGB 32 GB (8GBx4) 3600Mhz – 340 dollarë
- Liquid Cooler NZXT Kraken Z73 – 150 dollarë
- 2TB Gamma Gen4 NVME SSD – 500 dollarë
- 8TB Alpha Gen3 NVME SSD – 1200 dollarë
- PSU Platinum Maingear 1200W – 250 dollarë
- Lian Li O11 Dynamic XL Case – 230 dollarë
- Corsair QL120 RGB Fan x6 – 260 dollarë
- Lian Li Strimer Plus – 50 dollarë
Një tjetër lajm i mirë është që ka 10 TB memorie të shpejtë SSD.
Cilat lojëra do të luajë këngëtari me famë botërore në stacionin e tij të ri të betejës? Si një investitor në kompaninë që zotëron ekipin Toronto Defiant OWL, Overwatch mund të jetë patjetër një mundësi, me kampionatin që fillon në 16 Prill.
E vetmja gjë që kemi të sigurt është që ky PC është mbreslënës.