Madje nuk ishte orë aspak e lirë
Madje nuk ishte orë aspak e lirë
Tfue ishte në Miami, Florida këtë fundjavë për të marrë pjesë në turnamentin Fortnite Streamer Bowl në bashkëpunim me NFL, ku disa prej streamer-ave më të mëdhenj të lojës dhe futbollistë profesionistë u bashkuan për të luajtur për bamirësi përpara Super Bowl LIV.
Në orët e para të 31 janarit, thuajse 7 orë pas mbylljes së turnamentit, Tfue postoi në një tweet se ishte vjedhur, por pa dhënë detaje të tjera për incidentin.
I just got robbed
— Tfue (@TTfue) January 31, 2020
Shumë njerëz ofruan mbështetjen e tyre, por vetëm pas tetë orësh Tfue publikoi më shumë të dhëna mbi vjedhjen. Ai zbuloi se i ishte vjedhur ora e tij Audemars Piguet Royal Oak Arabic Dial, për të cilën ai postoi një foto në Instagram. Edhe pse nuk dihet vlera e saktë e orës së Tfue, kjo orë mund të kushtojë deri në $40,000.
Fatmirësisht, Tfue konfirmoi se ishte shëndosh e mirë, edhe pse pa orën e tij. Nuk dihen detajet e tjera të këtij incidenti dhe nëse Tfue do të japë më shumë informacion mbi atë çka ndodhi.
Ky incident ndodhi vetëm pak orë pasi Tfue dhe partneri i tij, QB i Arizona Caridanls Kyler Murray, arritën vendin e dytë në Twitch Rivals Streamer Bowl në 30 janar, duke fituar $80,000 për bamirësi.