Ankesat e streamer-it nuk mbarojnë…
Ankesat e streamer-it nuk mbarojnë…
Pasi Season 1 i Fortnite i bëri lojtarët të prisnin për një kohë të gjatë për sezonin e ri, Fortnite Chapter 2 Season 2 tashmë ka ardhur me shumë veçori të reja për t’u provuar.
Loja battle royale tashmë ka një tematikë spiunazhi me bosa, armë dhe vendndodhje të reja dhe shumë më shumë. Ndërkohë që shumë lojtarë janë të kënaqur me atë çfarë ka sjellë Epic, duket se jo të gjithë janë të lumtur me ndryshimet.
Gjatë stream-it të parë në sezonin e ri, Tfue vuri re se Epic Games kishte hequr disa veçori nga loja që ai i pëlqente.
Njerëzit më pyesin vazhdimisht se si argëtohem në Fortnite. Unë hidhem tek lamat, vras njerëzit me traps dhe luaj scrims. Epic vendosi t'i hiqte të treja gjërat
Përveç kësaj, Tfue u duk gjithashtu i mërzitur edhe me Points of Interest të reja në hartë, pasi sipas tij ato janë shumë të zhurmshme dhe ai nuk do të hidhet më tek ato.
Edhe pse shumica e lojtarëve për momentin duken të kënaqur me sezonin e ri, Tfue mbase nuk është i vetmi që ka kritika. Mbetet për t’u parë nëse ai do ta shijojë më shumë në të ardhmen si dhe çfarë do të sjellë Epic në vazhdim.