Vazhdojnë kritikat për Fortnite nga ana e streamerave. Këtë rradhë është Tfue ai që ka shpjeguar se ky battle royale është më i keqi nga të gjithë për tu luajtur me mouse dhe tastierë, por se gjithashtu ai nuk do të heqi dorë nga kjo metodë, për të kaluar në controller.
Gjatë transmetimit të tij në datë 27 prill, ylli i Fortnite ishte acaruar në lojën e tij të fundit, pasi nuk mund të largonte buildings nga lojtarët e tjerë. Duke qenë se pak më vonë u eleminua, kjo gjë solli një deklaratë në inat e sipër nga ana e tij. Kryesisht bezdia qëndronte në tematikën e famshme të avantazhit që kanë lojtarët me controller në Fortnite, krahasuar me ata që luajnë në mouse dhe PC.
Disa shikues e sugjeruan që ta ndërronte praktikën e tij me një controller, në të njejtën mënyrë siç kanë bërë lojtarë të tjerë pro. Tfue tha se për momentin nuk mund ta bënte këtë gjë.
Sipas tij Fortnite do të vdesë së shpejti dhe çdo lloj loje tjetër në PC do të ishte skandaloze për tu luajtur në controller, ndaj praktikisht nuk do ja vlente barra qeranë. Ai gjithashtu shtoi se çdo lloj lojtari që është i mirë me controller do të bëhej i padobishëm në rastin e vdekjes së Fortntie, pasi nuk do të mund të bënin kalimin në lojëra si Valorant ose CS:GO me controller.
Nëse e ardhmja profesionale e Tfue do të mbetet në Fortnite apo nëse do të shkojë diku tjetër, mbetet që ta shohim.