Tfue mahnitet pasi një glitch e teleporton në Fortnite

Pas suksesit që kishte në Fortnite Season X, FNCS ka ecur mirë që nga ajo pikë, me formatin që është rikthyer në eventet duos për Fortnite Chapter 2 Season 2. Disa nga emrat më të mëdhenj të skenës kompetitive të Fortnite kan konkuruar, përfshirë këtu edhe Tfue.

Ish anëtari i FaZe Clan, i cili dikur dominonte duos me Cloak, tashmë ka një partner të ri: Scoped, por kur gjërat u dukën pak të zymta për të në 11 prill, vetë loja battle royale i dha një dorë.

Gjatë një prej lojërave të tyre FNCS, Tfue dhe Scoped po kërkonin për një mënyrë për tu ngjitur lart, por nuk kishin një launchpad, siç ju nevojitej. Këtu Tfue hipi në një barkë të përmbysur dhe menjëherë u ngrit lart.

Tfue nuk mund ta besonte kur krejt papritur e gjeti veten në majën e strukturës që kishin ndërtuar. Edhe vetë Scoped ishte i habitur nga ajo që pa, duke thënë se Tfue ishte teleportuar.

Tfue vazhdoi të shprehte çudi teksa po zbriste poshtë për tu bashkuar me Scoped, të cilët më pas e vazhduan rrugën me këmbë.

Nëse kjo është diçka që do të përhapet më shumë se thjesht një paraqitje e vogël në FNCS, Epic Games me shumë gjasa do të ndërhyjë për të rregulluar gjërat.