Tfue shpjegon pse Fortnite është loja më e padrejtë që ka luajtur ndonjëherë

Turner Tfue Tenney, një nga streamerat më të njohur në Twitch dhe një nga lojtarët pro më të mirë në Fortnite, ka zbuluar pse mendon se Fortnite është loja më e padrejtë që ka luajtur, gjatë transmetimit të tij në datë 23 prill.

Si shumë content creators të tjerë, Tfue u fut në Fortnite dje për të parë eventin e shumëpritur të Astronomical live në lojë. Pasi ky i fundit mbaroi ai u fut në rradhë për disa ndeshje solo, që shikuesit e tij të mund të vazhdonin të argëtoheshin.

Gjithsesi eksperienca e tij nuk shkoi ashtu siç ai po shpresonte dhe pasi humbi në një close-range gunfight për shkak të një drum gun, Tfue ndau zhgënjimin e tij me stadin e tanishëm të lojës.

Ai shfryu inatin e tij për lojtarët e controller dhe aftësinë e tyre për të shfrytëzuar në maksimum veçorinë e aim assist. Më vonë ai tha se lojtarët e PC kanë disavantazh shumë të madh dhe zbuloi arsyen e vetme pse ende vazhdon ta luajë lojën:

“Fortnite është padyshim loja më e padrejtë që kam luajtur në jetën time. E vetmja arsye që vazhdoj ta luaj është se dikur nuk ishte e tillë,” tha ai.

Kjo nuk është hera e parë që Tfue është hapur për padrejtësinë e aim assistt në controllers dhe i ka bërë thirrje shpesh Epic Games që ta rregullojë këtë problem.