Terry Crews bën stream në Twitch për bamirësi

Bashkë me djalin e tij, Terry Crews vendos të bëjë stream në Twitch për bamirësi

Terry Crews është një prej personazheve më të famshëm dhe më të dashur në botën e internetit. Fansat e tij e duan atë për mirësinë dhe pozitivitetin që ai ofron. Ketë herë ai është bashkuar me djalin e tij për të mbledhur fonde për bamirësi për Kryqin e Kuq Amerikan nëpërmjet një stream në Twitch.

Gjatë këtij stream Terry tregoi për publikun bluzat e tyre të Krishtlindjeve të cilat kishin logon e Kryqit të Kuq Amerikan dhe shpjegoi se viti 2020 ka qënë një vit i vështire për të gjithë. Gjithashtu ai shtoi se nëpërmjet këtij stream ata të dy dëshirojnë që të mbledhin fonde të mjaftueshme për t’iu siguruar njerëzve ato çfarë kanë nevojë gjatë kësaj periudhe festive.

Atë e bir filluan të luanin lojën Danganronpa: Trigger Happy Havoc (e cila është një ndër lojërat e mia të preferuara) të cilën i biri i Terry, Isaiah Crews, e përshkroi si një visual novel mister vrasje ku do t’iu duhet të zbuloni se kush është vrasësi i vërtet. Gjithashtu gjatë një pjesë ata filluan të këndonin “A Thousand Miles” e cila la pas shumë situata komike.

Terry dhe Isaisah Crews bënë stream për afërsisht dy orë dhe gjatë kësaj kohe patën një numër mesatar prej 4000 shikuesish dhe numri më i lartë ishte 7686 shikues. Gjatë këtij stream Terry bashkë me djalin e tij arritën të mblidhnin afërsisht 20,000 mijë dollarë amerikanë të cilat do t’iu shkojnë në ndihmë njerëzve në nevojë nëpërmjet Kryqit të Kuq Amerikan.