Nga vijnë të ardhurat e streamer Valkyrae?

Sigurisht Valkyrae është një nga streamers më të famshëm që YouTube ka por e keni pyetur ndonjëherë veten se nga vijnë të ardhurat e saj?

Me një audiencë tepër të madhe në rritje, Valkyrae ka patur një vit tepër të suksesshëm falë nënshkrimit të kontratave të ndryshme me YouTube dhe 100 Thieves ose duke luajtur lojën më popullore të vitit të kaluar, Among Us.

Një ndër burimet kryesore të saj janë kontratë që ajo ka lidhur me YouTube dhe me ekipin e 100 Thieves. Valkyrae në janar e kaluar lidhi një kontratë ekskluziviteti me platformën e YouTube. Tashmë ajo ka afërsisht 3.2 milion subscribers dhe pothuajse 1 milion shikime në pothuajse të gjitha videot e saj.

Gjithashtu ajo përfiton edhe funksionin “Super Chat” e cila iu lejon shikuesve të përftojnë perks të ndryshme nëpërmjet një pagese mujore prej afërsisht 5 euro. Valkyrae njihet edhe si content creator dhe streamer për 100 Thieves duke reklamuar ‘merchadise’ e tyre.

Një burim tjetër janë edhe reklamat dhe pjesëmarrje në video klipe muzikore. Valkyrae mund ta shohim shpesh si reklamuese e brandeve si Hyperx dhe Mavix. Gjithashtu ka qenë pjesë e videoklipeve muzikore dhe gjithashtu ka lëshuar një këngë bashkë me miqtë e saj gjatë këtij muaji të cilën mund ta gjeni më poshtë.

Me pak fjalë mund të themi që Valkyrae ka një fitim tepër të madh dhe sipas disa burimeve, ato arrijnë një total prej afërsisht 2 milion dollarë amerikanë nëse përfshijmë të gjitha aktivitetet e saj fitimprurëse.