Streamer-i dhe YouTube-ri Ali ‘SypherPK’ Hassan ka shpjeguar se si mendon që Epic Games duhet të ndryshojë Fortnite loot pool në Season 3. Në një video të postuar në 8 qershor, ai shpjegoi se përse gjithmonë e më shumë njerëz janë larguar nga Fortnite së fundmi.
Teksa skill-based matchmaking ka qenë një polemikë e lartë mes lojtarëve të Fortnite, ai beson se ka një tjetër problem masiv me lojën dhe se pse kaq shumë njerëz janë duke e lënë atë pas dore. E gjitha lidhet me loot pool-in.
Sado që Fortnite ka patur shpesh disa armë dhe items të çmendura në lojë, Sypher beson që lançimi i Fortnite Chapter 2 ishte shumë bazik dhe se kjo mund të ketë patur të bëjë me faktin se pse një pjesë e mirë e njerëzve ndaluan së luajturi atë.
“Loot pool-i që ne kemi momentalisht nuk na lejon më të shohim ato momentet e çmendura dhe argëtuese që jemi mësuar të shohim në sezonet e mëparëshme,” tha ai pasi u ankua shkurtimisht për SBMM dhe AI Bots.
Ai vazhdoi: “Chapter 2 Season 1 kishte një loot pool shumë bazik dhe këtë sezon morëm disa gjëra shtesë, por në realitet, ai faktori ‘wow’ që kemi përjetuar në sezonet e mëparëshme është paksa jo ekzistent.”
Ai vijoi të thoshte se një pjesë e mirë e content-it që YouTuber-s bënin rreth Fortnite lidhej rreth items që shtoheshin në lojë, si shockwave grenadesose flintlock pistol.