SypherPK shpjegon pse Sezoni i 3 i Fortnite do të jetë më i miri

Ali ‘SypherPK’ Hassan ka thënë fjalë shumë të mira për ndryshimet më të fundit që Epic ka sjellë në Fortnite dhe është ende duke mbajtur shpresat për Chapter 2: Season 3, duke thënë se update-i i ardhshëm mund të jetë “më i miri ndonjëherë” për lojën battle royale.

Epic ka ngrënë shumë kritika përgjithësisht gjatë kohëve të fundit. Ndryshimet e bëra në Fortnite tani kanë qenë goxha drastike. Armë OP si Heavy Snipers janë bërë nerf, mode si Party Royale janë shtuar, aim assist në controller është ulur dhe pellgje uji kanë filluar të dalin nëpër hartë. Të gjitha këto e kanë emocionuar shumë Sypher për atë që mund të vijë në lojë.

“Kam një parandjenjë të mirë për Chapter 2: Season3. Kam përshtypjen se mund të jetë një nga sezonet më të mira ndonjëherë në Fortnite. Nuk e di se si ka për të rezultuar. Vërtet e dua këtë lojë dhe dua që ta shoh të ketë sukses. Jam shumë optimist për sezonin e ardhshëm.”

Sypher vuri re dy ndryshime që e kishin çuar në këtë konkluzion. Së pari ishte heqja e skill-based matchmaking nga Squads. Tjetra ishte ndryshimi i rregullave të competitive pas kërkesave të shumta nga lojtarët pro. Të dyja këto gjëra e kanë përmirësuar dramatikisht cilësinë e lojës për lojtarët.

Sado që Sypher e pranoi se ende kishte disa probleme prezente, si numri i AI në lobbies që vetëm po rritej, por gjithsesi ai vuri në dukje se ishin bërë disa ndryshime pozitive në lojë.

Content creators të tjerë si CouRage i janë bashkuar mendimit të Sypher. Mes kësaj dhe numrit të lojtarëve që ka kapur kulmin në Fortnite, duket se Epic mund ti ketë dhënë gjërave drejtimin e duhur.