SypherPK parashikon se ku do të vijë Atlantis në Fortnite

Ali ‘SypherPK’ Hassan mendon se e di ekzaktësisht se ku do të jetë vendndodhja e shumëpritur e Atlantis në hartë. E bukura është që ka mundësi që të ketë të drejtë.

Sypher vuri në dukje fillimisht se Atlantis do të jetë padyshim një POI (point of interest) në momentin që u bë e qartë se Aquaman do të përfshihej në lojë, me personazhin e DC Comics që mori skinin e tij.

Tani që nivelet e ujit në hartë janë duke rënë, Sypher ka gjetur ekzaktësisht se ku pritet që të jetë Atlantis. Në qoshen e majtë lart të hartës, në perëndim të Pleasant Park dhe në veri të Sweaty Sands, një vorbull e madhe është duke u formuar.

“Kjo vorbull është e madhe për një arsye,” tha Sypher në postimin e tij të 18 korrikut. “Jam shumë i sigurtë që kur uji të bjerë në nivelet normale, do të gjejmë Atlantis këtu. Ky duket si një vend perfekt për atë POI.”

Sypher gjithashtu shtoi se sado që nuk di asgjë më shumë se sa të tjerët, beson se Atlantis do të ngrihet mbi ujë në vend që të qëndrojë pjesërisht ose plotësisht i zhytur në të.

Parashikimi i tij duket shumë i mundur. Mbetet të presim dhe të shohim se sa të drejtë do të ketë.