Njoftimi për ardhjen e Valorant ka bërë që shumë streamera të jenë të emocionuar për lojën, përfshirë këtu edhe Summit. FPS e Riot ka kapur vëmendjen e komunitetit të gaming dhe me një beta të mbyllur pranë, lojtarët tashmë janë duke u larguar nga lojëra të ngjashme, që të mund ta provojnë atë më herët.
Një nga lojërat më të kërcënuara nga Valorant është Overwatch. Shooteri 6v6 i Blizzard ka kaluar shumë ulje ngritje së fundmi dhe një pjesë e bazës së lojtarëve të tij tashmë e kanë humbur interesin për lojën.
Summit1g, i cili e ka luajtur Overwatch që në fillimet e saj është i këtij grupi. Si një lojtar CS:GO në rrënjët e tij, ai është fans i gameplay-it të thjeshtë. Gjithsesi gameplay i Overwatch u bë gjithmonë e më kompleks pas çdo update-i.
Në sytë e tij Blizzard u përpoq më shumë se ç’duhej për ti bërë të gjithë sa më të aftë në Overwatch, duke e hedhur gameplay-in skill based nga dritarja.
Të gjithë këta “elementë të panevojshëm” e kanë shkatërruar lojën sipas Summit. Sipas tij një ndeshje bazike e Overwatch përfshin të qëllosh çdo gjë, përveç kundërshtarit tënd. Në nivel kompetitiv është edhe më keq sipas tij, pasi si shikues nuk e kupton fare se çfarë po ndodh në lojë. Ai thotë se si një person që e ka lujtur vetë lojën dikur, në këtë pikë as nuk ja ka idenë se me çfarë ka të bëjë.
Kur merr të gjitha këto një hero-based shooter si Valorant duket sikur nuk do i interesojë shumë Summit, por përkundrazi, ai thotë se Valorant do të jetë “10 herë më i mirë se Overwatch.”
Ai bëri krahasime edhe me kohën që ka kaluar duke luajtur CS:GO. Aksioni është i pastër dhe çdo gjë lidhet me aftësitë e lojtarit. Kjo është ajo që i mungon Overwatch dhe në thelb ajo që Summit nuk i pëlqen në këtë pikë.
Më tej ai tha se Overwatch dhe Valorant janë dy lojëra plotësisht të ndryshme dhe se Valorant përbën kryesisht kërcënim për CS:GO. Publiku do të mund të provojë për herë të parë Valorant kur beta e mbyllur të hapet në 7 prill.