A do të kalojë Summit1G në Mixer?

Jaryd ‘summit1g’ Lazar ka parë shifra të qindra dhe mijëra shikuesish në kanalin e tij të Twitch, por e ardhmja e tij në këtë platformë nuk duket shumë e sigurtë.

Lideri i 1G Squad ka një sasi masive ndjekësish në Twitch me mbi 5.2 milionë followers dhe me mijëra prej tyre që bëjnë subscribe në kanalin e tij çdo muaj.

Në janar streameri njoftoi se ndryshime të mëdha për të dhe komunitetin e tij do të vinin së shpejti, duke deklaruar se: “një nga momentet më të mëdha të jetës time do të vijë së shpejti.” Gjithsesi fansat nuk kanë dëgjuar më edhe aq shumë pas kësaj.

Një përdorues e pyeti për mendimin e tij mbi Mixer gjatë një transmetimi në datë 19 prill dhe përgjigja e tij la derën e hapur për shumë spekulime. Summit tha:

“Dëgjo, është e qartë që nuk do të flas për vendimet e mia derisa ato të njoftohen zyrtarisht, poqë, momentalisht e lëmë me kaq.”

Ish lojtari i CS:GO nuk i la gjërat me kaq. Ai dha edhe një të dhënë tjetër mbi diçka të madhe që do të njoftohet në të ardhmen. Ai shtoi: “Më pyet pas ca javësh ose një muaji për të njejtën pyetje dhe do të të jap një përgjigje.”

Nëse ai do e bëjë kalimin në Mixer ose jo mbetet të shihet, por do të jetë interesante të dimë se sa nga fansat e tij do të ishin të gatshëm ta ndiqnin edhe në Mixer.