Summit1G shpjegon pse automjetet e Warzone janë tepër të fuqishme

Që kur Warzone u lançua në datë 10 mars, Summit e ka luajtur shpesh atë dhe ja ka dalë të bëhet shumë i aftë. Kjo nuk vjen si çudi për fansat që e kanë parë atë disa herë ti kalojë aftësitë e tij nga një lojë te tjetra.

Duke qenë se e ka luajtur aq shumë, Summit ka krijuar një ide shumë të mirë se cilat gjëra shkojnë dhe nuk shkojnë me Warzone. Së fundmi ai ka thënë se pjesa më overpowered e lojës, janë automjetet e saj.

Duke luajtur krahas Matthew ‘Nadeshot’ Haag dhe NoahJ456, Summit u përball me një situatë që ja përforcoi edhe më shumë këtë mendim. Teksa po i afroheshin një kamioni ai tha se ishe shumë overpowered si automjet.

Ishte interesante, sepse Summit nuk dinte akoma pjesën më të fuqishme rreth kamionit, derisa Noah tha se: “mund të qëllosh nga dritarja e përparme”. Kjo e la Summit në habi totale.

Si për ironi, pasi u futën në kamion skuadra e gjeti veten në Gulag për punë sekondash. Gjithsesi, ata bënë një argument të vlefshëm: kamioni është një veçori shumë e fuqishme në Warzone dhe ndoshta Activison duhet të bëjë disa ndryshime të vogla të tij.