Ky streamer i Modern Warfare beri killstreak me një piano si controller

DeanoBeano, që u bë viral në Twitch para disa muajsh sepse përdori një drum kit për të bërë snipe në Modern Warfare, është rikthyer dhe këtë rradhë i ka treguar aftësitë e tij me një piano.

Gjatë transmetimit të tij të fundit në Twitch, DeanoBeano përdori një tastierë pianoje për të bërë një killstreak me katër kills në Atlas Superstore, duke e shtangur sërish komunitetin e CoD.

Në klipin që momentalisht ka 21,000 upvotes në Reddit, Deano eleminon tre armiq njëri pas tjetrit afër hartës, duke përdorur AX-50 sniper rifle, përpara se t’ja fuste vrapit dhe të eleminonte një tjetër person me 725 shotgun.

Sado që kjo nuk do të ishte aspak mbreslënëse me një controller normal, fakti që ai po përdorte një piano, e bën këtë diçka shumë mbreslënëse.

Siç mund ta shikoni edhe në klipin më sipër, të lëvizësh dhe të bësh aim me piano është pak a shumë e ngjashme me stilin që ai përdori te bateria. Pra ai vazhdimisht shtyp çelësat e pianos për të parë se ku po shkon.

Sado që aftësitë e tij në bateri ishin mbreslënëse, ky streak në piano është komplet gjë tjetër. Është gjithashtu paksa komike pasi mund të dëgjosh çelësat teksa ai i shtyp. Le të shpresojmë që ai do të vazhdojë të bëjë video të tjera të tilla me instrumenta.