Një streamer i Madden në Twitch ka fshirë të gjithë mediat e tij sociale, pasi një klip shqetsues, që tregonte atë duke i bërtitur një fëmije, u bë viral.
Në datë 21 janar, klipi i streamerit ‘buckkerz’, doli online dhe u përhap në të gjithë internetin. Klipi 28 sekondësh fillon me streamer-in që luan Madden, me fëmijën e tij të ulur në prehër. Brenda pak momenteve, ai shikohet duke përplasur controller-in në tavolinë, duke bërtitur.
Zoomer parenting pic.twitter.com/doiytM262t
— Kitty UnShackled (AKA Boomhauer) 🍇 (@KBoomhauer) January 22, 2021
Në këtë pikë fëmija fillon të qajë pasi buckkerz e ul në tokë. Ky i fundit humb kontrollin gjithmonë e më shumë dhe gjërat degradojnë edhe më tej kur fëmija fillon të qajë me të madhe.
Klipi përfundon me buckkerz që kthehet dhe i bërtet mu në fytyrë: “Shut the fuck up.”
Pasi videoja filloi të qarkullojë online, përdoruesi i Twitch fshiu kanalin e tij dhe të gjitha adresat në mediat sociale. Ai është një baba dhe një bashkëshort, por është e paqartë nëse fëmija është i tij apo jo.
Mbetet për t’u parë se si do të reagojë Twitch ndaj këtij klipi dhe nëse do të vendosin një ban në account-in që ai fshiu apo jo. Sido qoftë rasti, përtej mënyrës së komunikimit që është e patolerueshme, prindërit ose streamers me fëmijë duhet të dinë më mirë se sa t’i klithin fëmijës së tyre në fytyrë për një controller.