Ky streamer është bërë viral pasi ka kritikuar lojtarët toksikë të Among Us

YouTuber-i dhe streameri i Twitch Julien ‘julien’ Solomita ka folur në një klip që tashmë është bërë viral. Në të ai i tërhoqi vëmendjen lojtarëve të Among Us që nuk tregojnë respekt për lojtarët e tjerë në lojë.

Në klipin që tashmë është parë mbi 350,000 herë në Twitter, Julien kritikoi njerëzit që infektojnë lobbie-t e tij me negativitet ose i bëjnë të tjerët të ndjehen në pasigurtë.

“Kur i krijoj këto lobbies, kur thërrash shokët e mi të luajmë, kam një gjë në mendje: që të gjithë njerëzit që po ftoj të kënaqen. Të ndjehen të mirëpritur. Të ndjehen të sigurtë. Të marrin të njejtën mundësi si të gjithë dhe të dëgjohen. Dhe në fund të mbrëmbjes të thonë që u kënaqën.”

Komunikimi është çelësi i të luajturit Among Us, ndaj bën sens që kushdo që luan të dojë të ndjehet i lirë dhe konfident në ato që thotë. Për këtë arsye kur lojtarët nuk i lënë të flasin, e gjithë eksperienca prishet.

Kjo është arsyeja pse streameri nuk ka aspak tolerancë për “normalizimin” e mungeës së respektit ndaj njerëzve në video lojëra.

“Among Us është një lojë dhe ka si qëllim të argëtojë. Nuk është që djemtë të flasin mbi vajzat. Nuk është që njerëzit e rinj në grup të ndjehen më të vegjël ose jo të mirëpritur. Nuk është për të fituar çdo lojë të mundshme. Është një lojë për t’u shijuar,” vazhdoi ai.

Shumë njerëz kanë rënë dakord me mesazhin e Solomita dhe e kanë shprehur këtë përmes komenteve. Le të shpresojmë që fjalët e tij do të kenë ndonjë farë efekti mbi lojtarët që tregojnë sjellje toksike në lojë.