Si ja del SSSniperwolf të marrë më shumë shikime në YouTube se MrBeast

Jimmy ‘Mr Beast‘ Donaldson është një nga krijuesit më të mëdhenj të YouTube. Gjithsesi, froni i tij po sfidohet nga Lia ‘SSSniperWolf’ Shelesh dhe YouTuber Paddy Galloway e di arsyen pse.

“SSSniperwolf ka kaluar nga një Call of Duty gamer girl në kanalin më të madh të reagimeve në YouTube,” tha ai. “Tani ajo është duke marrë më shumë shikime mujore se Mr Beast.”

“Sigurisht që ajo poston më shumë video,” shtoi ai. “Por sërish ngrihet një pyetje interesante. Çfarë po bën SSSniperwolf ndryshe nga YouTuber-at e tjerë?” Ai e përmblodhi përgjigjen e kësaj pyetjeje me tre faktorë të thjeshtë.

1. Krijimi i Evergreen Videos

Evergreen Videos janë video që janë ende të rëndësishme edhe pas 30 ditësh. Sipas Paddy Galloway ajo ja ka dalë ta kthejë analin e saj në një makineri evergreen. Këto video nuk kanë datë skadence.

“Nuk ka rëndësi nëse shikuesi e shikon videon pesë ditë pasi është postuar apo shtatë muaj. Përmbajtja është ende e vlefshme dhe interesante,” shtoi ai. “Shumica e postimeve të Lia në vitet e fundit e kanë patur këtë element dhe vazhdojnë të tërheqin shikime edhe sot e kësaj dite.”

2. Futja e shikuesit në grackë

Argumenti i dytë që përmendi ati ishte që ajo i fut shikuesit në grackë. Ai thotë se është e rëndësishme të marrësh sa më shumë kohë nga shikuesi që të mundesh. Lia e bën këtë duke eleminuar exit points, momente të videos që i bëjnë njerëzit të largohen.

Disa shembuj të kësaj janë introt vetëm 3 sekonda dhe video me dinamikë të shpejtë zhvillimi.

3. Mjeshtre e Clickbait

Pika e tretë që ai përmend është se ajo është bërë një mjeshtre e clickbaits. Ajo përdor ngjyra të forta në thumbnail-et e saj me imazhe, që evokojnë kuriozitet te shikuesi.

Sipas Paddy Galloway këto janë tre arsyet pse kanali i SSSniperwolf ka eklipsuar atë të MrBeast, të paktën në shikimet mujore.

Nuk është prej shikimeve të saj, ose simps, është sepse ajo ka zbuluar një mënyrë për të shfrytëzuar maksimumin e algoritmit të YouTube.