Streaming është diçka që është në rritje me kalimin e kohës. Website të tillë si Twitch, janë platforma që i japin shanse njerëzve që të bëjnë karriera të suksesshme nga transmetimi live i lojërave, si dhe i jep mundësinë që të ndërtojnë një komunitet. Një nga transmetuesit më të mëdhenj në botë, Shroud, tani zbulon ‘sekretet’ se si një fillestar mund t’ia nisi me streaming.
Pavarësisht se ai njiheshe si një lojtar profesionist i CS: GO përpara se të fillonte streaming, atij ende iu dash të punonte shumë për të rritur kanalin e tij Twitch. Prej suksesit të madh, ai ka qenë në gjendje të ndajë këshillat e tij për të ndihmuar content creators të rinj si dhe ata aktual, që të promovojnë veten dhe të marrin shikime në stream-et e tyre. Një gjë që ai beson është se të bërit streaming çdo ditë për orë të tëra nuk është e mjaftueshme për të çarë në një industri ku miliona njerëz garojnë për vëmendje.
Një nga këshillat e tij kryesore është ndikimi i dukshëm në komunitete më të vogla, por të njohura. Lojëra të tilla si Elder Scrolls Online kanë shumë lojtarë, por nuk ka streamers për ato. Është e mundur që të bëheni të mëdhenj në Twitch duke përdorur një franchise ose komunitet specifik loje. Nëse të gjithë bëjnë stream diçka si FIFA ose Grand Theft Auto 5, do të jetë e vështirë që ju të dukeni kur ka kaq shumë njerëz që prodhojnë përmbajtje të njëjtë.
Nuk mund të mohohet se, që të bësh një yll i madh në platforma të tilla si Twitch ose YouTube është jashtëzakonisht e vështirë. Ndërsa disa njerëz janë me fat sa arrijnë të bëjnë një jetë të suksesshme duke transmetuar lojërat e tyre të preferuara, duhet shumë angazhim që streamers-at e rinj të njihen.
Twitch është pa dyshim platforma e preferuar nga gamers për streaming dhe ka ekzistuar për gati 10 vjet. Ka disa konkurrentë, të tillë si YouTube, por Twitch ende mbetet në krye. Sidoqoftë, Amazon kohët e fundit lançoi një shërbim për streaming të video lojërave, Amazon Luna, që synon posaçërisht lojërat mobile. Nëse do të jetë në gjendje të zëri vendin e Twitch mbetet për t’u parë, por duke e ditur që e ka blerë atë, ka të ngjarë që platforma e re nuk do të ndikojë shumë.