Shroud zbulon arsyet e kalimit të tij në Mixer
Shroud zbulon arsyet e kalimit të tij në Mixer
Gjatë stream-it të tij në 7 nëntor, Michael “shroud” Grzesiek zbuloi gjënë më të mirë pas kalimit në Mixer, si dhe zbuloi arsyen kryesore që e shtyu atë të largohej nga Twitch.
Duke ndjekur hapat e Tyler “Ninja” Blevins, shroud bëri gjithashtu një lëvizje mjaft të papritur kur zbuloi se kishte firmosur një marrëveshje ekskluzive për të bërë stream në Mixer, platformën e Microsoft në 24 tetor.
Gjatë një transmetimi të kohëve të fundit, ish lojtari profesionist i CS:GO u bashkua me Benjamin “DrLupo” Lupo, ku të dy diskutuan arsyet se pse ai dëshrinte të largohej nga Twitch, si dhe zbuloi gjënë e tij të preferuar në platformën e re të streaming.
2 streamer-at po flisnin për tema të ndryshme, kur DrLupo e pyeti shroud për kalimin e tij në Mixer. Ai u tregua i lumtur, duke thënë se Mixer i jepte atij lirinë e pakufizuar, pa e detyruar atë të luajë lojërat që njerëzit duan që ai të luajë.
DrLupo ra dakort me të, përpara se të flite rreth presionit me të cilin duhet të përballen streamer-at çdo ditë. Pasi shprehu pëlqimin për lirinë e tij, shroud gjithashtu tha se kjo ishte dhe një nga arsyet pse ai vendosi të largohej nga Twitch.
Edhe pse nuk dihet se sa para ka fituar shroud nga kjo marrëveshje ekskluzive, duket se padyshim që ka qënë një marrëveshje e mirë, pasi streamer-i nuk duhet të përballet më me presionin e ndjekësve të tij.