Shroud shpjegon se si Valorant do të bëhet esport-i numër një

Ylli i Twitch, Michael ‘shroud’ Grzesiek beson se Valorant do të tejkalojë “lehtësisht” CS:GO si loja më e mirë FPS kur bëhet fjalë për esports

Gjatë një stream-i të fundit, ish-proja i CS:GO kishte diskutuar peisazhin e skenës së Valorantit në esport, duke vënë re se skuadrat më të mira në Europë dhe Amerikën e Veriut nuk kanë pasur ende mundësinë për tu përballur ende. Sapo të ndodhë kjo, dhe loja të shkojë në LAN, Shroud beson se do të bëhet virale në terma esports-i.

“Plak, Valorant thjesht do të godasë dhe do të godasë fort. Domethënë, ajo lojë ka recetën e përsosur, apo jo”, tha ai. “Pasi, numrat CS janë duke rënë, por të them të drejtën CS fokusohet në LAN kështu që prandaj ata po bien shumë, padyshim që kur LAN të kthehet, do të jetë pak më ndryshe.

“Por akoma, nëse Valorant e gjen fiks momentin e kohës së rikthimit të turneve në LAN, loja do të rritet goxha, edhe më shumë sesa tashmë.” Ndërsa dikush sugjeroi që Valorant do të zinte vendin e parë në lojërat FPS në esports, Shroud shtoi: “Oh po, lehtësisht”.

Intriga në rritje që rrethon skuadrat më të mira të botës duke mos qenë në gjendje të luajnë me njëra-tjetrën, pa dyshim, do të funksionojë në favor të Valorant.

Mbetet vetëm për t’u parë nëse mund të vendoset ose jo në krye të botës së eSports.