Lista e shroud është paksa e çuditshme
Lista e shroud është paksa e çuditshme
Që prej lançimit të closed beta të Valorant në 7 prill, lojtarët janë munduar ta kuptojnë më së miri shooter-in më të ri nga Riot Games. Përveç recoil patterns të reja, hartat dhe çdo gjëje tjetër, një prej veçorive më të vështira për t’u mësuar në lojë janë agjentët.
Secili agjent ka aftësi unike, të cilat lojtarët duhet t’i përdorin për të arritur fitore në Valorant. Ndërkohë që lojtarët kanë pak kohë për të zbuluar se cili është agjenti më i mirë për ta, ka patur shumë diskutime se cili është në përgjithësi agjenti më i mirë. Shroud ka dhënë mendimin e tij, po duhet thënë se ai është i ndryshëm nga mendimi i shumicës.
Gjatë një stream-i të fundit, ish-lojtarit profesionist i CS:GO iu kërkua të rendiste sipas mendimit të tij agjentët më të mirë të Valorant. Ylli i Mixer zbuloi se, sipas tij, më të mirët janë Cypher, Sage dhe Nova, ndërkohë që Brimstone, Phoenix dhe Breach janë vetëm pak mbrapa. Viper vjen në vend të shtatë, Omen në vendin e tetë dhe Jett në vendin e nëntë. Ndërkohë, Raze, që ka shkaktuar shumë polemika, ndodhet në vendin e fundit.
Shroud saktësoi se kjo renditje vlen vetëm për ndeshje kompetitive në Valorant, ku lojtarët duhet të zgjedhin një ekip që të bëjë counter ekipin kundrështar dhe lojtarët do të luajnë në mënyrë strategjike, ndryshe nga një ndeshje normale.
Ai gjithashtu shtoi se Raze duhet të bëhet nerf, pasi fakti që ajo është shumë e lehtë në ndeshje normale bën që ajo të jetë edhe më problematike në ndeshje kompetitive, ku ajo mund të mos luhet fare.
Normalisht që të gjitha ndryshimet pritet të vijnë pasi të mbyllet faza e closed beta, prandaj do të na duhet të presim edhe pak për të parë se çfarë do të ndodhë kur Valorant të lançohet zyrtarisht.