Twitch apo Valorant? Ku po drejtohet karriera e shroud

Me Michael ‘shroud’ Grzesiek që nuk duket të jetë aspak afër një njoftimi mbi shtëpinë e tij të re të streaming, do të analizojmë postimet e tij në Twitter, që mund të jenë duke sugjeruar një karrierë pro për të në Valorant.

Sa për kontekst, Shroud ka patur super karrierë në CS:GO, ndaj një lëvizje e tillë do të ishte e logjikshme.

A DO TË BËHET SHROUD NJË PRO NË VALORANT?

Pas mbylljes së Mixer, dukej se kishte një probabilitet të mirë që ai të kthehej në Twitch, por mungesa e njoftimeve i ka lënë fansat pak në pikëpyetje.

Shroud ka postuar disa herë gjëra shumë nënkuptuese në Twitter, shpesh GIFs të disa armëve, që duket se sugjerojnë drejt Valorant, lojës së re FPS nga Riot Games.

Që nga data 31 korrik, shroud ka postuar tre teasers, ndër të cilët i pari u interpretua nga shumë veta si një kalim i tiji në Valorant. Në këtë pikë kemi parë disa pro të CS:GO të kalojnë në Valorant, ndaj nuk do të ishte çudia më e madhe po të ndodhte kjo gjë.

Postimi i parë referonte Omen nga Valorant:

Postimi i dytë, i bërë në datë 4 gusht, ishte shumë më i detajuar përsa i përket referencave të Valorant. Shumë njerëz e morën këtë si një konfirmim për karrierën e tij të ardhshme.

A DO TË RIKTHEHET SHROUD NË TWITCH?

Asnjë njoftim nuk është bërë momentalisht nga shroud dhe postimi i tij i fundit në twitter i ka lënë fansat totalisht të hutuar.

Postuar në datë 8 gusht, ai tregon një armë që ndërtohet në formatin GIF. Shumë njerëz as nuk dinin ta interpretonin këtë gjë, pasi klipi nuk kishte as referencë të ndonjë loje të njohur.

Na mbetet të presim dhe të shohim se cila do të jetë lëvizja e rradhës për shroud, por një karrierë në Valorant, duket si një mundësi mjaft e mirë.

Një tjetër teori që qëndron është që do të rikthehet në streaming, por me fokus kryesor në Valorant. Mbetet të presim dhe të shohim.