Shroud thotë se nuk ka në plan të bëhet pro në Valorant

Streamer-i më në fund reagoi ndaj thashethemeve.

Fansat që prisnin që streameri i njohur Shroud të rikthehej në skenën e esports janë zhgënjyer pak. Kjo pasi ai konfirmoi në një nga transmetimet e tij të fundit se nuk ka si synim t’i bashkohet një skuadre kompetitive të Valorant.

Shroud është një ish pro i CS:GO, i cili me kalimin e kohës është bërë një nga streamerat më të njohur në votë. Ai dominon thuajse çdo lojë që luan, pavarësisht zhanrës. Shumë fansa i shohin transmetimet e tij dhe lojërat e ndryshme që ai luan. Prapëseprapë disa prej tyre ende shpresonin që ai do i rikthehet rrënjëve të esports.

Shumë persona ishin të dhënë pas idesë se Valorant do të ishte loja perfekte për Shroud, duke marrë parasysh këtu që ajo ndan një gameplay të ngjashëm em CS:GO. Plus shumë ish lojtarë pro të CS:GO tashmë kanë kaluar në Valorant.

“A do i bashkoheshe 100 Thieves nëse do të të pyesnin? Jo,” tha Shroud. “A do i bashkohesha një ekipi si plotësues ose zëvendës nëse do ma kishin ndonjëherë nevojën? Sigurisht që po. Le të themi që Jimbo nuk luan dot se i ka dalë një punë dhe ata më kanë nevojën. Po do e zëvendësoj.”

Lajmi mund të jetë pak zhgënjyes për fansat që duan të shohin shroud të rikthehet në skenën kompetitive, por ata sërish mund ta shohin duke dominuar lojtarët e tjerë gjatë streameve të tij në Twitch.