Michael ‘shroud’ Grzesiek më në fund ka thyer heshtjen e tij në mediat sociale me një postim misterioz për Valorant. E gjithë kjo rreth një muaj pasi Microsoft i pagoi kontratën ekskluzive të tij në Mixer.
GIF-i gjashtë sekondësh i postuar në 30 korrik, tregon një armë të animuar, që qëllon një plumb në të majtë të ekranit.
Pjesa më interesante e teaser-it vjen në sekondin e dytë. Aty mund të vihen re pamje të shkurtra të gameplay-it të Valorant. Kjo përfshin edhe një pamje të qartë të Omen, një nga agjentët origjinale të lojës.
Arma në vetëvete të kujton pak Escape from Tarkov, një tjetër lojë që shroud e ka luajtur rregullisht në transmetimet e tij përpara se të mbyllej Mixer.
Shroud nuk dha asnjë koment shoqërues me teaser-in. Ai ende nuk e ka bërë të qartë nëse do të japë një deklaratë për planet e të ardhmes së tij. Hera e fundit që ai foli për situatën ishte në 23 qershor, kur tha se ende po përpiqej të: “kuptonte hapat e rradhës.”
Teaser-i sigurisht që solli shumë reagime nga fansat e tij. Një nga teoritë që soli ishte që shroud po mbante fjalën e dhënë në gënjeshtrën e 1 prill-it, që do të bëhej pro në Valorant.
Të tjerë pastaj hamendësuan që do të rikthehej në Twitch. Një rikthim në platformën e Amazon bën sens. Ai ende ka 7.1 milionë ndjekës aty. Teaser-i gjithsesi nuk hodhi të dhëna drejt platformës ku mund të drejtohej ai.
Shroud u largua nga Twitch në nëntor të 2019s, pasi firmosi një kontratë ekskluziviteti me Mixer, që u raportua të vlente deri në $13 milionë për vit.
Thuhet se Gryesiek mori pagesën e plotë për kontratën e tij tre vjeçare dhe refuzoi një përqasje të bërë për të vajtur në Facebook Gaming. Ai dhe kolegu i tij, Tyler ‘Ninja‘ Blevins ende nuk kanë konfirmuar se kush do të jetë platforma e tyre e rradhës.