Streameri i njohur Michael ‘Shroud‘ Grzesiek ka vënë në pyetje nëse streamerat do të vazhdojnë të merren me Escape from Tarkov pasi loja të dalë nga faza beta e saj. Ai gjithashtu ka argumentuar se mund të shohin një rënie të konsiderueshme në numrin e shikuesve.
Escape from Tarkov e ka gjetur veten me një rritje të ndjeshme popullariteti në çartet e Twitch përgjatë ditëve të fundit, duke e vendosur veten mbi Fortnite dhe League of Legends në datë 4 janar. Kjo sepse të gjithë streamerat u dyndën për ta provuar lojën.
Me lojën që është ende në fazën beta të saj, jo të gjithë mund ta aksesojnë, por përmes streameve të shumta që po i bëhen, shikuesit kanë patur mundësinë të krijojnë një ide më të mirë të saj. I gjithë ky popullaritet e ka bërë Shroud të pyesë veten nëse këta streamera e pëlqejnë realisht lojën, apo po e luajnë sa për shikime?
Gjatë një transmetimi të tij në 4 janar, ish lojtari pro i Counter-Strike: Global Offensive po luante lojën, teksa u vu poshtë nga një lojtar tjetër. Kanadezi nuk hezitoi të bënte humor se si eksperienca e tij është shkatërruar nga të gjithë streamerat që po e luajnë. Ai tha: “Duhet ti largojmë të gjithë këta streamers nga loja. Po na prishin eksperiencën.”
Kjo vijoi me një moment tjetër të thelluari rreth lojës, ku Shroud vuri në pyetje nëse streamerat do të merreshin shumë me të apo jo: “Jam shumë kurioz të di nëse këta streamers do të vazhdojnë ta luajnë lojën pas disa ditësh.”
“Mendoj se e gjithë arsyeja që ata po e pëlqejnë lojën, është sepse po ju sjell shikime të larta. Nëse e heq këtë nga ekuacioni, mendoj se e gjithë kënaqësia e lojës ikën.”
Sado që loja është dyndur me streamers, janë njerëzit që e kanë luajtur atë prej kohësh, ata që po tërheqin numrin më të madh të audiencave.