Michael ‘shroud’ Grzesiek ka zbuluar se mendon se ka vetëm një mënyrë që PlayerUnknown’s Battlegrounds të mund të arrijë sërish majat pas rënies së lojës.
Një herë e një kohë PUBG ishte loja më e famshme battle royale që ekzistonte, përpara daljes së Fortnite, Apex Legends dhe Warzone në këtë zhanër. Shroud ka qenë vetë një nga streamerat më të medhenj që loja ka patur në atë kohë.
Pas daljes së lojërave të sipërpërmendura, PUBG ka pësuar një rënie të ndjeshme dhe kohët e sotme është pak a shumë si një zgjedhje e dytë për shumicën e lojtarëve dhe edhe shroud nuk është fort i bindur në rikthimin e mundshëm të saj.
Pasi një shikues e pyeti nëse mendonte se PUBG do të bëhej sërish popullore, ose nëse loja po vdiste, shroud dha mendimin e tij të sinqertë dhe shpjegoi të vetmin skenar në të cilin, sipas tij loja mund të arrijë lavdinë e dikurshme.
“Ka shumë pak gjasa që loja të kapi shikueshmërinë dhe lojtarët e vjetër,” tha ai. “Kam goxha kohë që e them këtë: mendoj se rruga më e mirë është që PUBG të bëjë një PUBG 2 ose një lloj loje tjetër.”
Një vazhdim i PUBG padyshim që duket si një ide interesante, por nuk është fort e qartë se si mund të bëhet një krijim i tillë. Implikimi i shroud të lë të kuptosh se PUBG, në stadin e saj të tanishëm, e ka të pamundur që të rikthehet në majë.
Me kaq shumë kompeticion në lojërat e zhanrit battle royale, bën sens që shanset e lojës të jenë të pakëta, por nuk është jashtë mundësive që edhe të na surprizojë me ndonjë të papritur.