Shroud rikthehet në Twitch

Michael “Shroud” Grzsesiek, një nga streamerat më të mëdhenj në industri, kaloi nga Twitch në Mixer në tetor të 2019. Rënia e asaj platforme përpara një muaji gjithsesi, i la të gjithë në ajër. Kishte spekulime të ndryshme se cili do të ishte hapi i rradhës për shroud, por ai ka njoftuar përmes Twitter se do të rikthehet në Twitch.

“Jam i emocionuar të njoftoj rikthimin tim në Twitch dhe më e rëndësishmja, t’i rikthehem streaming. Twitch është vendi ku arrita të kthej pasionin tim për streaming në një karrierë të suksesshme dhe e gjitha kjo falë bazës time besnike të fansave,” tha Shroud në deklaratën e tij.

“Kur po eksploroja opsionet, kuptova që nuk ka vend më të mirë se Twitch për të ndërvepruar me atë që është komuniteti më besnik i gaming në të gjithë botën. Jam gjithashtu i emocionuar të rilançoj kanalin timë me një pamje dhe logo të re, që e di që ka për t’ju pëlqyer fansave.”

Twitch gjithashtu e konfirmoi këtë njoftim, duke thënë se është i entuziasmuar që të shohë Shroud të rikthehet. Detajet e marrëveshjes së re të Shroud me Twitch end enuk dihen dhe një datë fikse për streamin e tij akoma nuk është caktuar.