Shroud hedh poshtë CSGO dhe komplimenton Valorant

Rrënjët e Michael “shroud” Grzesiek janë të hedhura në Counter-Strike: Global Offensive, por kjo nuk do të thotë që ai nuk është në dijeni të realitetit të lojës.

Ish pro i Could9 diskutoi diferencat kyçe mes Valorant dhe CSGO në stream-in e tij të fundit. Ai nuk i kurseu fjalët, duke e shkatërruar CSGO teksa komplimentonte Riot Games për përpjekjet e bëra me Valorant.

“Me gjithë qef do luaja CSGO nëse loja do të ishte e mirë. E bukura e Valorant është aksesueshmëria. Ti futesh luan lojën, kënaqesh ose jo, por të paktën e di që nuk do të të bëjë kush hile,” tha Shroud.

Ai shtoi se çdo lojë që përpiqet të futet rastësisht në CSGO, ose bombardohet me hackes që përdorin aimbot, spinbot dhe wall hacks. “It’s fucking garbage man,” shtoi ai.

Shroud është një streamer që nuk i mungon varieteti dhe që merret me një numër të ndryshëm të lojërave, kryesisht first-person-shooters. Përgjatë muajve të fundit, Valorant ka qenë një pjesë e rregullt e transmetimeve të shroud, por jo loja e tij më e luajtur gjithsesi.

Mes tetorit të 2020 dhe momentit që po flasim, loja më e luajtur e shroud në Twitch ka qenë Rust. Rust ka patur një rritje të madhe në muajt e fundit, falë popullaritetit vazhdimisht në rritje të saj.