Shroud shpjegon pse Cyberpunk është loja më e mirë single-player ndonjëherë

Shroud u argëtua aq shumë gjatë lojës së tij të parë të Cyberpunk 2077, sa e përshkroi si loja më e mirë single-player e të gjitha kohërave. Gjithsesi, ai kishte edhe pak kritika konstruktive për të ofruar.

“Loja më e mirë single-player e të gjitha kohërave? Nga ekperienca ime.. absolutisht po,” tha ai. “Kam përshtypjen që nga kjo pikë e tutje do të bëhet vetëm më mirë.”

“Të mund të bësh diçka dhe pastaj të shohësh rezultatin që ndryshon në gjithë këto mënyra të ndryshme. Është thellësia që ofron. I shkuan deri në fund përsa i përket gjërave që mund të thuash dhe të bësh.”

Gjithsesi, ai nuk mendon se loja është perfekte. Sipas mendimit të tij dy të metat kryesore të Cyberpunk 2077 është fakti që ka një fund të përkufizuar dhe mungesa e personalitetit dhe kuptimit në NPC ose qytetarë të rastësishëm.