Michael ‘Shroud’ Grzesiek mund të ketë menduar se të kaluarit në Mixer ka qenë zgjedhja më e mirë për karrierën e tij, por statistika të reja tregojnë se ai ka humbur 67.83% të shikueshmërisë së tij në Twitch me këtë lëvizje.
Ish ylli i Counter-Strike: Global Offensive, u zhvendos në platformën e Microsoft në tetor, por ai ka hasur vështirësi në tërheqjen e të njejtit numër të ndjekësve, subscribers dhe shikuesish që kishte dikur në Twitch.
Shroud normalisht që ka qenë i vetëdijshëm për rreziqet e rënies së shikueshmërisë së tij kur kaloi në Mixer, por statistikat e reja tregojnë se kjo rënie ka qenë tepër e konsiderueshme. Sado që ai ja ka dalë të bindë disa nga fansat e tij të Twitch që të lëvizin bashkë me të, shumica prej tyre i kanë mbetur besnikë platformës së dikurshme.
Përpara se ai të zhvendosej, Shroud numëronte 718,000 shikues unikë në Twitch për muajin tetor, por në muajin e tij të parë në Mixer, nëntor, ai numëronte vetëm 231,000. Një rënie me 67.83% është pak e vështirë për tu injoruar.
Duke i blerë këta streamera të mëdhenj, Mixer po shpreson që të marrë edhe audiencën e tyre bashkë me ta, por raportimi sugjeron se shumica e shikuesve të Shroud preferuan të qëndronin në Mixer, me vetëm 15% të tyre që kaluan me të në Mixer. Gjithsesi në fund të fundit platforma ja doli të merrte 127,000 përdorues unikë në nëntor nga shikuesit e Shroud.
Sido qoftë, Mixer tani ka dy nga streamerat më të mëdhenj në botë në platformën e tij. Përsa i përket numrave të Shroud, ndoshta edhe ai nuk është i interesuar shumë në shifra, por në lirinë e të shprehurit, si me rastin e Ninja.