Kur mendon për lojërat që janë bërë më shumë stream në Twitch, lojëra si Apex Legends, GTA V dhe Fortnite mund të jenë të parat që vijnë në mendje. Gjithsesi nuk ka qenë gjithmonë në atë mënyrë.
Një grafik statistikor në timelapse është bërë nga YouTuber-i Data Is Beautiful, i cili ka treguar të gjithë shikueshmërinë e Twitch për çdo muaj që nga gushti i 2015s, për 10 lojërat që kanë qenë në krye dhe renditjet e tyre.
Ky grafik gati hipnotizues ilustron në mënyrë perfekte se si trendet në gaming kanë ndryshuar përgjatë kohës. Disa nga trendet më të vërejtura kanë qenë dominanca e League of Legends përgjatë dy viteteve e gjysëm, rritja graduale e Fortnite dhe momenti kulminant i Apex Legends kur u lançua në shkurt të 2019s.
Gjithashtu mund të shihet rënia e lojërave si Hearthstone dhe PUBG, por në të njejtën kohë edhe lojëra si Dota 2 dhe CS:GO që qëndrojnë thujse gjithmonë afër vendeve të para.