Shahu, GTA dhe VALORANT patën një rritje masive në Twitch muajin e kaluar

Pavarësisht muajit të shkurtuar, të dy Twitch dhe Facebook Gaming kishin rritje mbresëlënëse vjetore gjatë shkurtit, duke u rritur përkatësisht 82% dhe 79%.

Twitch-it iu ul shikueshmëria më e lartë totale prej 2 miliardë orësh të shikuara në janar, në rreth 1.86 miliardë orë të shikuara në shkurt. Facebook Gaming pa gjithashtu një rënie të madhe, duke rënë nga kulmi rekord prej 439 milion orësh të shikuara për të arritur nën 400 milion.

Falë lojërave Grand Theft Auto V, VALORANT dhe Apex Legends, Twitch pati një rritje masive në shikime. Just Chatting mbeti kategoria kryesore në Twitch përsëri me 245 milion orë të shikuara. League of Legends rimori vendin e dytë me 135 milion orë, ndërsa GTAV vajti në vendin e tretë me 135 milion orë, kryesisht falë lançimit të serverave të rinj GTA roleplaying që kanë sjellë më shumë creators në lojë.

Rust pa rënien më të madhe nga çdo titull i njohur, duke u bërë nr. 10 pasi u ul në vendin e dytë në janar, duke kaluar nga 189 milion orë, në pak më shumë se 43 milion.

Kategoria e shahut përjetoi muajin e tij të katërt drejt një rritje të shikueshmërisë, duke vendosur një rekord të ri me 21 milion orë të shikuara. Pjesa më e madhe kësaj rritje erdhi nga GMHikaru, kanali zyrtar i shahut dhe të tjerë si Sardoche, Ludwig dhe BotezLive.

“Pavarësisht se shahu mori një rritje në shikueshmëri rreth kohës së premierës të The Queen’s Gambit, ajo ka qenë një kategori tërheqëse për disa streamers të njohur gjatë katër muajve të fundit.” tha CEO i StreamElement, Doron Nir. “Ajo pati një rekord të ri në shkurt me mbi 21 milion orë të shikuara krahasuar me vetëm 1 milion një vit më parë.”

Për kanalet individuale, xQc vazhdon të jetë streamer-i kryesor në Twitch, pasi pati përsëri më shumë se 17 milion orë të shikuara. Bashkë me Gaules dhe Trymax, ata përbëjnë 3 vendet e para me rreth 12 dhe 10 milion orë të shikuara përkatësisht.